【全部都有名】超平聖誕開倉 印名水樽$20陶瓷杯$10

根據負責人所講，之所以做到咁平係因為唔洗比租係自己地方之餘，公司都想盡快清曬d貨尾所以先大平賣。而佢地主司係主打各式各樣個人化嘅得意產品，除左可以搵到主流英文名之外，都有唔少金句同稱呼選擇，送禮就更加有親切感啦！

英文名/稱呼水樽$20，廠商特別針對香港市場調整過d英文名，搵到仔女名嘅機會大大提升！

馬克杯都係$10蚊一個，有齊爹哋媽咪、兄弟姊妹、各種親戚之外，仲有一堆興趣同職業！例如Swim、Boss，自用送禮都一流，送禮嘅話更加可以加$5蚊買個紙袋裝住，小編就咁送比朋友，佢地都話我做乜咁破費，搞到我都唔好意思話都係$15蚊姐。

同場仲有一量個人化鎖匙扣，同樣都係英文名/關係稱呼/金句，最平可以做到$4蚊一個！可能大家唔了解$4蚊一個係有幾平，呢類產品通常出現係遊客區做手信，閒閒地都講緊$20蚊一個！

媽咪最愛一定係呢個印名環保袋，都係$15！

成隻手指咁厚嘅木板掛飾都係$10個。

金句磁石貼(都可以當成相架咁放桌面)，質地望落有畫作效果，家居裝飾又平又靚。

壓軸介紹嘅就係佢地最獨特嘅香氣蠟以及其他周邊產品。係英國，呢類蠟燭係家居必需品！一點就有香味，最啱怕麻煩嘅媽咪，除左精油之外，今年不妨試下轉蠟餅。蠟餅嘅好處係價錢平，可以成日轉唔同味，屋企日日都有新鮮感。

蠟餅$5個咁抵當然要買啦，買完一定要睇埋周邊產品！

英國設計，採用電子加熱和亮燈效果$80，可放精油和蠟餅。

同場仲有少量童裝和冬季衣物、公仔、精品文具。

開倉情報

地址：葵涌工業街30-32號，捷聯工業大廈13樓B室

時間：星期一至五11am-7pm  星期六：11am-4pm

預計做到12月下旬，大家要把握機會盡快掃貨