【日本限定】無印抹茶朱古力士多啤梨

又或者，某啲產品只會喺日本當地買到，直情唔出口！就好似呢款無印良品推出嘅抹茶朱古力士多啤梨咁，就係今年9月喺日本限定推出！當時仲一出就即刻賣斷市添架！

媽媽我早排去北海道旅行，咁啱經過無印見到仲有得買，啲人講到識飛咁，所以就買返兩包試下有幾好食！

一包50g，其實得幾粒，每粒size都唔一樣，視乎粒士多啤梨有幾大粒(我呢包得4粒)。其實佢仲有一款白朱古力士多啤梨，不過媽媽我本身唔喜愛白朱古力，所以就無買(當時都好似唔多覺眼有，可能賣晒)。

而呢款限定嘅抹茶朱古力士多啤梨，雖然都係用白朱古力底製造，不過就加入咗著名嘅宇治出產抹茶，再包住超大粒風乾士多啤梨，咬開可以清楚睇到鮮紅風乾士多啤梨喺入面，真係同包裝果幅相一樣！圖片與實物相符好勁！一次過滿足味覺與視覺！味道就酸酸甜甜咁，都幾好味嘅！

去日本旅行就順便睇下仲有冇得買啦，或者買嚟當手信都好呀，都係300日元一包之嘛！