【野餐好去處】2萬平方米靚草地任跑任跳

九龍區雖然有好多公園都有草地畀市民野餐，不過好多都畀工人姐姐攻佔咗。加上而家興野餐，所以假日去少不免要大家鬥快去霸位，好無癮！

今次介紹呢個南昌公園就係少有草地面積大、環境好，但同時又唔太多人嘅野餐好去處。

位於九龍深旺道20號的南昌公園是香港九龍深水埗區的一個大型公園，公園於1998年啟用，現時由康文署管理。南昌公園其中一個好處係「就腳」，於港鐵南昌站D1出口行出去，過條馬路就到，好方便。

講到南昌公園最大特色，絕對係佢果幅大型草坪，面積高達2萬平方米，係香港所有公園中算係數一數二嘅大草坪。

草坪被行人徑細分為5塊草地，其中一塊旁邊設有兒童遊樂場。

拍攝當日係啱啱過咗嘅星期日，都有好多家庭野餐，但現場都仲好多位揀，唔會好迫人咁。

另外，由於公園中央種有近30棵黃花風鈴木，春天時分開滿黃花時會吸引大量人去賞花，但過後就會回復平靜。

就好似啱啱過咗嘅星期日，我哋就去過現場，就發現雖然都有好多家庭去野餐，但由於地方大，所以都好鬆動。

有畢業生去草地影畢業照。

喺樹蔭下草地野餐，唔怕曬又好Feel。

公園遊樂設施有一套適合2-5歲兒童使用的組件，包括遊戲屋、鞦韆、滑梯及有一套適合7-12歲兒童健身使用的組件包括掌上壓、雙桿、單桿、仰臥起坐、立定跳高及兩塊遊戲板。

最多人揀嘅野餐位，就係兒童遊樂場旁嘅草地，因為方便小朋友兩邊玩！

除兒童設施外，另有一套適合長者健身使用的組件包括扭腰板、腳踏單車、上身伸展器、太查極圈、背撐身展器。

石春路都有，大人小朋友都行得架！

前往途徑

巴士：

九巴12 – 尖東鐵路站至海麗邨(循環線)

城巴A21 – 機場(地面運輸中心)至香港鐵路紅墈車站
港鐵西鐵線：

南昌站站D1出口

查詢：2370 9954