【全城至Hea】梳乎蛋的甜蜜盛宴

話時話小編都好喜歡Hea爆的「蛋黃哥」(叫慣咗其實好難改口)，今次佢又以全新造型出沒皇室堡、東角LAFORET同埋銅鑼灣地帶，與大家一齊開美食派對。

派對第一站由東角LAFORET開始，以梳乎製造所作起點，兩隻破蛋而出的立體聖誕造型GUDETAMA被懸於半空；門前則有掛滿閃閃梳乎蛋裝飾的聖誕樹，而坐住鹿車的梳乎蛋及NISETAMA齊齊等待大家拍照。

皇室堡則設有多組立體裝置，包括巨型金黃奶黃噴泉、主題薑餅屋、聖誕禮物車，以及迷你梳乎蛋Cupcake。

除了可與裝置合照之外，當然可以到主題薑餅屋內的期間限定商店，欣賞及購買多款來自日本的梳乎蛋精品。

店外更設有「梳乎聖誕拋拋樂園」擲球遊戲，分分鐘可以贏取GUDETAMA聖誕造型杯墊；而參加互動遊戲亦有機會免費獲得心意咭或文件夾。

另外，大家只需於商場消費滿指定金額，就可分別獲得限量版地毯、兩用頸枕或精美茶壼套裝，睇完仲可以帶埋梳乎蛋返屋企架！

日期：11月6日至2017年1月2日

時間：10：00am-10:00pm