【全線200蚊3件】韓國有機嬰兒護膚產品

話說我最近去太子聯合廣場Shopping下，平時通常由地鐵站一出，由地下行入商場後，就會直行轉右上樓上。但當日唔知點解神推鬼㧬咁冇轉上樓梯，就咁喺地下「遊蕩」，亦正因為咁，竟然畀我發現到呢間專營韓國護膚化妝品批發的小店有正嘢賣！

店內有咩化妝護膚品賣我完全睇唔到，眼球淨係畀店面嘅「blabla全線產品兩件$150三件$200」幾隻字吸引咗！

唔知大家識唔識呢個牌子啦，但我個仔就用緊呢個牌子嘅洗頭沖涼液，平時喺一田買係折咗都要成200蚊一支！而家200蚊有3支！我當下真係心感興奮！即刻掃咗3支先，然後因為佢全線都係200蚊3支任揀，咁所以我就揀多3支之前想試但又嫌貴嘅同系列其他產品，包括嬰兒潤膚露同按摩油。真係好抵！

咁我就輕輕介紹下呢個韓國品牌有咩好啦！就係佢哋產品嘅主要成分係來自南美秘魯的有機棉花，有嬰兒潤膚露、按摩油、手部清潔啫喱、洗髮水及沐浴露等，所有產品都完成皮膚低刺激測試，適合嬰兒使用。

我自己用開就覺得都幾好用，BB沖完唔乾同埋味道都幾好聞嘅！

同埋精明嘅我係有Check埋佢嘅Best Before Date先買架，都去到18年架！唔係就過期嘅產品！

揀完BB嘢之後，我仲順便睇埋自己要用嘅Skincare用品，都幾多嘢賣架呢間鋪仔！

地址：聯合廣場地下G44B