【Page One首次開倉】2蚊明信片、20蚊買食譜

書籍方面就有大量設計類書籍、特價食譜，最平20蚊就有一本西式食譜！好抵買，須知道作為人妻人母，煮得一手好餸好重要架嘛！

Page One現正進行的首次開倉活動地址在於葵涌區工廈，大量指定減價書籍最低1折、買滿5本以上指定減價書更可獲額外8折優惠。

另某些書籍則根據原價而定為每本20蚊、40蚊及60蚊一本。

至於精品擺設類就最平10蚊有交易！

書種以設計、建築及藝術類為主，內容較大眾化的書籍有食譜及手工藝書，現場最多人揀的是20蚊一本的食譜！

食譜最平$20起就有一本。

呢個系列嘅食譜都係20蚊一本咋！

整曲奇同Cupcake嘅食譜就40蚊一本。

另有大量有關生活、設計及藝術類書籍。

現場仲有少量聖誕精品，雖然時間尚早，不過睇啱都可以趁減價買定做聖誕禮物。

聖誕小擺設全部正價7折。

鬆弛熊迷必定鍾意呢個聖誕樹擺設。

環保購物袋20蚊一個、30蚊兩個。

花紙每張特價10蚊。

30蚊一張木製聖誕卡，非常有質感。

原價$120，特價$40的小童高度量度貼。

量度貼以die cut設計，圖案簡潔得來都幾靚架！

2蚊一張靚靚Postcard，無得輸！

現場設有極少量家品以原價7折發售。

同場另一邊有trippen鞋品開倉，不過無人行無人試架。哈哈！

最後Designer同事買咗大量設計書籍，10本加埋都係5百幾蚊，超抵！

我呢啲無乜內涵嘅Cheap精就用40蚊買咗本原價106蚊嘅摺紙書。

圖文並茂咁，都好精美架！

最驚喜係揭到最尾竟然發現最後一頁貼有一個靚靚信封，入面有一疊正方形花紙畀我用嚟摺紙喎！我心感興奮呀！

地址：葵涌大連排道58-66號樂聲工業中心9樓B室
營業時間：星期一至五 11am-8pm；星期六、日及公眾假期 10am-7pm
查詢：2806 1028