【另類用法】微波爐5個意想不到的用法

1.    自我清潔
係，的確，微波爐係唔識自己抹身。但只需放以下材料入爐，就可以輕鬆幫微波爐洗白白。
-    檸檬水：將檸檬切一半，榨汁倒入半杯清水，然後大火叮 3 分鐘，再等 5 分鐘再開爐門。微波爐就會有清新檸檬味，而爐內的污垢亦會較易抹走。抹一抹馬上乾淨哂。
-    海綿：如果家中無檸檬，可以將海綿沾濕水和液，放入微波爐叮幾分鐘。不但殺死海綿中的細菌，又可以將微波爐用熱力「蒸」一次，之後再抹幾下，清潔無難度。

2.    無淚切洋蔥
切洋蔥總會要眼睛受罪。但其實原來只需要將洋蔥切頭，再放入微波爐叮 30 秒左右，之後切就不會，眼淚就不會再流不停了！除洋蔥之外，其實將蒜頭或蕃茄放入微波爐，之後去皮也會更容易。

3.    半熟水煮蛋話咁易
通常要煮成功的水煮蛋都要在爐前計準時間，相當麻煩。但原來只要將蛋打進熱水中，加少許醋防止蛋白散開，再用大火叮半分鐘，然後小心將半熟蛋反轉叮 20 秒，大功告成！

4.    拯救食剩薯片麵包
薯片食剩放得耐會變軟，麵包就會變得像擦膠。不想浪費食物，但照樣食又難頂，可以嘗試將薯片放在紙巾上，放入微波爐大火叮 10 – 15 秒；又或將麵包放在濕水的紙巾或毛巾上，放入爐大火叮 10 秒，可以開餐了！溫馨小提示，叮麵包真係 10 秒夠了，叮太耐會變韌！

5.    免焗朱古力蛋糕
口痕想食朱古力蛋糕但沒有焗爐？有微波爐 5 分鐘有得食。
材料有：
-    朱古力 50克
-    麵粉4 湯匙
-    糖 3 湯匙
-    發粉（baking powder） 1/4茶匙
-    無鹽牛油溶液 3湯匙
-    牛奶 3 湯匙
-    雞蛋 1隻
-    雲呢拿香油 1/4茶匙 (可省略)
方法簡單，只要將全部材料溶解混合，再將蛋糕漿倒進器皿，大火叮 3 公鐘即可。 YouTube也有不少教學，有的2 分鐘就有得食，睇下堅唔堅！

原文連結:唔止叮野！微波爐 5 個意想不到的用法

文章來源:Price.com.hk