【勁平海膽手卷】美食多籮籮 小孩最LIKE…

講緊嘅就係旺角中心嘞！呢個商場小編真係細細個就去行，以前就鍾意睇精品文具，後來慢慢被其他商場取代，所餘的都是售賣較平價衣服的店舖，而逛的人都以學生為主，小編幫襯的次數亦買少見少。

不過，近日商場又有嘢吸引小編到訪，因為作為吃貨，有好東西吃又怎能不去一探，原來商場近日靜靜起革命，當中二樓更加入數間食店，特色食品、平價食品都有，小編就去逐間睇過，即刻睇有咩好東西吃。

金沙糖S71B舖

專門售賣特色飲品，大大杯西瓜椰果、鮮榨木瓜汁都係8蚊雞，乳酪飲品都只需$16，連矜貴貓屎咖啡都係$13就有，金沙糖系列飲品就$14一杯。

採訪當日小編就點咗士多啤梨藍莓香蕉乳酪，味道就偏甜咗啲，大家記得叫少甜。

又一戟SA31舖

旁邊的又一戟就是葵涌都有分店的班戟專賣門，不用多介紹，店子鹹甜班戟都有，最受歡迎的非雪糕班戟莫屬，廿幾蚊一件的班戟可以加入不同材料，可口美味。雪糕方面亦有多款口味可以選擇，包括薄荷朱古力、綠茶、芝麻、豆腐等，可說是十分多元化。

手卷駅SA30A舖

專門出售日式手卷的小店，最吸晴的一定是原板海膽手卷，成個手卷滿佈海膽連飯粒都見唔到，價錢都只係$45，真係「哀詩~~~(日文美味咁解)」。

手卷以外亦有其他日式小食，好似日式薯餅、烤雞肉串等。

青玉SA29A舖

台式珍珠奶茶店，每逢有類似店子都吸引大批人購買，青玉都不例外，採訪當日就有不少人圍著店子等飲品，新張期內仲有不同的期間限定優惠。

CC炒雪糕 SA28A舖

早排喺Facebook見到有人分享泰國炒雪糕卷片段，都好吸引，最平廿幾蚊就有一杯，而女士又可以揀低糖低脂雪糕，消暑得嚟又唔怕肥。

而店子招牌雪糕就有夏天最火熱的榴槤肉、焦糖爆谷，自製冧酒提子都好吸引。

Modos SA27A舖

Modos係雞蛋仔專門店，可以加入不同餡料於雞蛋仔之中，由最普遍的朱古力，到最新出品土鳳梨酥雞蛋仔、班蘭雞蛋仔、伯爵雞蛋仔及積及橙朱古力雞蛋仔，而小編最想試的就是流心蜂蜜雞蛋仔，最估唔到係香濃羅宋湯都可以加入做雞蛋仔囉！LOL！

築卷 F123A舖

來到一樓都有一間手卷店，最吸引的都是全個手卷都是海膽的半板海膽手卷，售價同樣$45，不過採訪當日就因為海膽量不足，只可以揀雙併，睇落好似呢間仲多人幫襯咁喎！

同場加映：韓國泡菜專門店

想食凍嘢嘅朋友，就可以揀泡菜，這間泡菜店就在二樓中間的位置，有多款冷盤畀你揀。