【新街市】街市變身九龍城寨

位於東涌逸東邨的逸東街市，以前就以貴出名，最近完成大翻新重開，成為貌似《城寨英雄》場景一樣的片場，以60、70年代 九龍城寨 風光作背景，勁有懷舊Feel，家長帶小朋友去的話，可以感受街市氣氛之餘，亦可以一覽舊區風貌。

街市已改名為「香港街市」，以霓虹燈設計的招牌，有舊香港味道。

在街市門外，就已經感受到一浸懷舊味，因為有人力車及舊郵筒，而入到裏面就更加好似置身舊時代九龍城一樣，連路牌都以賈炳達道、衙前圍道等來設計，加上天花上的「飛機」、晾衫竹、舊戲院設計、古式裝潢陳設等，通通令人回到昔日香港的味道。

門外放置的人力車，令人感覺好似看電視電影一樣。

這架單車車尾的石油氣罐又做得幾逼真喎！

以前不少家庭都會以晾衫竹晾曬衣服，街市將這種特色也做了出來。

天花上有一隻特大飛機，營造出九龍城以前有機場的時代。

大量懷舊裝置都可以在街市中找到，相信不止小朋友，連家長們都未必見過。

客戶服務部變身成舊式戲院一樣，感覺十分特別。

現場所見，街市物價與外面的街市差不多，不過，是否合理則見仁見智，街市外圍則有熟食小食檔，買餸買到餓都可以醫醫肚。

家長帶小朋友參觀街市，其實可以學到好多，好似攝記拍攝當日就聽到有小朋友跟媽媽說：「我要睇劏雞雞。」沒錯，現在要睇劏雞真的不再容易，而且肯讓小朋友入街市的人也未必多，但這個街市現時新開，乾淨程度令人滿意，就不妨帶埋子女去逛逛，認識老香港之餘，亦認識一下街市買餸文化。

地點：東涌逸東邨

時間：早上7時至晚上8時

查詢：3977 4687