【甘寧老師】執輸行頭慘過敗家

BB展出名著數多，但呢d著數背後當然就係出賣自己個人資料。但係平心而論，只要自己確保唔會比sales氹到，拎完禮品就頭也不回，不帶走一片雲彩咁去下一檔，絕對係無蝕。不過呢樣野大家都明，所以部分媽媽會將利潤最大化，拎完又拎！就好似食自助餐咁搶完一堆先講，食唔食得曬係其次。

我地平時會教仔女食幾多拎幾多，但面對著數優惠果陣時又有冇做個好榜樣比仔女睇？怕蝕底、怕執輸嘅概念一日唔捨棄，一日社會上都會存在怪獸家長，補習又要人補我補、興趣班又要人報我報，完全無考慮仔女需要。

你拎多左嘅禮物可以放上網賣返，你報多左嘅補習班興趣班，仔女又可以點處理！

其實會有呢一種心態嘅人好多時都係一d心態上有缺憾嘅家長，從小缺乏愛，未曾感受過人地無私嘅奉獻。所以當佢地成為家長之後，會希望透過種種行為去獲得大眾認同，於是normativeinfluence規范性影響就出現左，大眾做咩我就跟。

而同一時間，資訊發達，大家都減少左搜集成本，包括時間，即家長們可以用更短嘅時間做決定。但教育同經濟學唔同，即使信息再全面都好，但仔女係獨立個體，都必須列入考慮範圍，假如盲目相信大眾信息，蝕底嘅只會係自己仔女！

由今日開始，試下將執輸行頭慘過敗家呢種思想放低，你會發現壓力瞬間少左一半，唔洗再同人鬥埋d贏左都冇謂嘅野之餘，同時放過自己放過仔女，對大家都有得著嘅事先係利潤最大化。

圖片：網絡