【甘寧老師】窮到冇錢睇醫生都冇人同情

圖片：網絡截圖

最近有一份由香港社區組織協會及兒童權利關注會的調查報告發現20.5%兒童患病時不求診，52.4%人選擇自行購買成藥。有76.3%受訪貧窮兒童表示，曾因輪候時間過長或未能預約而放棄求醫。

調查又指，42%受訪兒童表示，曾因延誤治療而令病情惡化。近60%家長指，因私家醫生診費過高，而放棄帶子女到私家診所求診。

雖然是次調查的樣本量不多只有169個來自貧窮家庭的兒童，但仍然反映到好多香港醫療存在嘅問題，例如輪候時間極長，急症最少都要等3個鍾等，而成件事最失敗嘅地方在於佢搵左一個內地媽媽做分享講下當初自己個仔發燒點解唔帶佢睇醫生。

佢係咁解釋的：「冇錢囉，普通科門診要50元，我都冇。我每日花費唔可以超過10元。」

佢自稱持雙程證來港照顧多多(兒子)，每月靠母親資助3,600元生活，當中3,000元租住劏房，扣埋水電雜費後所剩無幾。比一眾媒體報導後，結果就是兩個字「活該」！

網絡上個個都有果句講果句，加上中港矛盾有增無減，係風頭火勢之下搞d咁嘅野，真係死罪。

大家都一面倒話佢貪得無厭，大話連篇，10蚊一日真係你做比我睇，錢都未識搵就不停R著數R津貼令一眾網民極之憤怒，大家都已經將個調查報告重點忽略左，不過又唔怪得人，醫院診所排咁耐隊都係因為_ _ _、房租咁貴某程度亦都因為_ _ _(請自行發揮創意填寫)。

在網路發達嘅年代，公關做得差成件事就玩完，由原本想大家關注輪候時間過長、貧窮家庭無法負擔醫療費用，變成依家個話題又去返新移民身上，何必呢！