【海綿寶寶】夏日炎炎正好綿

來自尼克兒童頻道的海綿寶寶，今個暑假與派大星、珊迪等一班老友記來到香港抖暑，在MOKO新世紀廣場與大家齊齊開「海綿寶寶泡泡夏水祭」。

實行將比奇堡最好玩的玩意搬到商場，包括：狂野過山車、海綿寶寶大本營菠蘿屋，而蟹老闆又會主持巡遊，好友派大星就繼續表演捉水母絕技，大家可以在各場景中拍照。

說得上是夏水祭，又怎能少得與水有關的活動，海綿寶寶同老友記就於戶外兒童遊樂準備好「超酷夏日派對」，當中有最受小朋友歡迎的跳彈床，今次呢個彈床仲係海綿寶寶主題；另外，大家可以學派大星一樣捉水母，利用一枝竹竿睇下你捉到幾多隻；好好玩的重捶出擊挑戰漢堡廚神，就要利用捶仔將漢堡餡料取出，小編玩過都真係唔簡單。

最後，小朋友亦可以玩手動撐船仔，見小朋友都玩得勁開心。想玩攤位遊戲，只需要憑場內任何商戶電子貨幣消費發票，即可入場任玩其中兩個遊戲。

玩過拍過照後，亦可以到海綿寶寶POP UP STORE睇下有冇啱心水嘅產品買埋返屋企，將快樂帶回家！

日期：即日至8月28日

時間：中午12時至晚上10時 (星期一至五)、早上10時至晚上10時 (星期六及日)/ 遊戲區開放時間為上午11時至下午6時

地點：MOKO新世紀廣場 – MTR樓層中庭

查詢：2397 0790