【甘寧老師】我們都是銀行家的奴隸

全球貧富懸殊情況越來越嚴重，全部大部分財富都集中係1%人身上，而呢1%人亦唔係你地所諗咁好勁好勤力，有研究指出，呢1%人基本上係咩都唔洗做，日日就有錢賺！而造成依家貧富差距咁大嘅原因，當中一定有銀行份，佢地不停創造數字，然後將d數字化成自己嘅金錢，咁創造出嚟嘅數字當然要用真錢填上，點填？就要睇落去！

如果你了解貨幣系統，就會想講粗口罵爆d銀行家，由佢地買賣國債券開始，銀行家就會開始左手交右手創造一堆數字：

1.政府發債券

2.銀行用交換借據手法買債券

3.銀行轉手將債券賣比央行，央行都係用「空頭支票買」，姐係創造錢

4.銀行收到張「空頭支票」後就又買債券不停loop

小總結：最後央行持有一堆債券，銀行用一堆數字買貸券賺利潤

你有冇發現，成個過程都無真錢出現過！不過筆數點都有搵人填左佢，咁搵邊個呢，我地繼續睇落去：

5.銀行用數字買政府債券，而政府就用數字去承諾發展各個項目，例如軍事、公共事務等等

6.各行各業打工仔都會用銀行出糧，但銀行有最低儲備比率，以25%為例，你入$100，銀行可以借$75出去，假如借$75條友將錢入返銀行，咁銀行條數就會變成$175，但實際只有$100係真錢，其餘都係創造出嚟，呢個現象叫存款創造。

7.打工仔辛辛苦苦搵錢都可能係搵緊銀行創造出嚟嘅數字，我地仲要交稅比政府

8.政府用我地d稅去還國債嘅利息+本金

9.大銀行家瓜分稅收

數字換錢大法完成！

當然我上述嘅只係簡單版，過程中仲有好多複雜嘅地方，最主要係想大家發現，我地都係比人利用緊！還緊一d唔係我地借嘅錢，一班用財技去呃我地錢嘅人坐享其成，瓜分我地血汗錢。不過知道又點，聽日咪又係準時返工，唉！