【蠢無藥醫】開奶茶有小強！好驚？

然後無幾耐，更有人揭發張開奶茶圖其實源自09年一個舊po。我哋今次先唔考究呢個發帖人是真蠢還是假傻，為免真係有人以為開奶茶入面有曱甴，以下就為大家介紹一下啦。

坊間的「開奶茶」五花八門，成份都不完全相同，但多數都會採用開胃消滯、清熱去濕的藥材，例如燈心花、玉米心、薏米、穀牙、麥芽、淡竹葉、蟬蛻等。至於今次網上瘋傳圖片入面嘅主角其實並唔係曱甴，而係蟬蛻(別名：蟬衣)，亦都係常見出現於開奶茶嘅藥材。另外，圖中見到嘅乾玉米心都係藥材來的，不是人家食剩嘅廚餘，放心。

據網上資料，蟬蛻為蟬科昆蟲黑蚱 (Cryptotympana pustulata Fabricius) 羽化後的蛻殼。性味甘、寒，有疏散風熱，透疹止癢，明目退翳，止痙的功效。用於開奶茶入面，就有清熱嘅作用，亦都有網友話，平時買到嘅開奶茶沖劑，其實都有呢種藥材架，所以佢並唔係今次事主所講嘅小強，係有用藥材！大家千祈唔好混淆。至於係咪所有小朋友都啱飲開奶茶呢？我相信最好都係問下專業嘅中醫師先！

圖片：Facebook、互聯網