【求相及片】婦人被撞跌重傷子女FB求助

Annette W Lau將事發經過詳細寫在Facebook，原來當時她和媽媽、妹妹及兩歲多的兒子，一起到沙田逛街，初時只口角幾句就分開了；但後來卻在沙田港鐵站狹路相縫，口也未開，媽媽就已經被人推跌，而抱著其兒子的妹妹又被內地婦人不斷打，最後妹妹被打到「眼腫口腫面腫手傷晒」，媽媽送院後則有疑似中風情況。

抱著兩歲幾姨甥的劉小姐，為保護小朋友一邊被打一邊拼命抱著孩子，但打人的內地女卻沒有停下來，置小孩於不顧，各位家長試想想如果你們遇到這種情況怎麼辦呢？

事主在Facebook呼籲，希望各界人士幫忙提供相片/影片，全文如下：

（急需各界人士幫忙提供相片/ 影片，感恩大家花少少時間看完文字幫忙轉發，我媽現受重傷係醫院，整個人被堆向後堆倒後腦落地，發出巨響，好人一個突然成身動不到，連說話都說不到）

今日我媽五十幾歲同我妹廿幾歲，帶住我個兩歲幾既仔，今日中午係沙田反斗城行街，有個大陸小朋友突然勁打我個仔個頭同面，我妹就一手抱起我個仔，叫人地父母要睇住個小朋友唔可以無啦啦打人，大陸父母馬上話香港人有乜咁巴閉，我妹只回應一句，大陸人都唔可以咁樣！大家就沒事分開了！

誰不知到3點半左右到沙田火車站突然見到那些大陸人，大家野都無講，極快堆低我媽，我妹抱住個兩歲幾個仔照勁打我妹，我妹一直被人打一直抱住我個仔保護！感謝當場有好心人拉開個大陸女人（個大陸男人就抱住自己個小朋友）好多人幫手追住大陸女人，其後有十字車警差等人到場！我妹被打到眼腫口腫面腫手傷晒，我個仔就嚇到好驚，到依家抱住訓都訓下醒下！警察會先扣留，但我要求如可擔保外出，不可過關走，走左就告唔到佢，雖然點告佢同結果如何都不可放佢走！

點解大陸人可以係香港咁樣無啦啦打人？如警察放佢過關，係咪代表可以縱容呢啲人？

我好擔心我媽，咩都做唔到

希望有相關片段或相片的人，可以給予他們援手，聯絡劉小姐https://www.facebook.com/annettesum.lau/posts/10156931763850451。