【英文本色】好易讀錯的 bomber 和 climber - 魏徵

很多英文字的 B 都是不發音的，例如 numb 麻痺、dumb 愚蠢、comb 梳子。不過，其實呢幾個字就算真係唔小心讀咗個 B 音，都絕對唔會明顯。但如果B 後面還有一個音的話，那麼你就要小心了。

例子一是 climb，這個字的 B 絕對不發音，呢個字應該讀 clime。所以，如果是 climbing 的話，就肯定唔係讀 clime-bing，而係讀 clime-ming。同樣地，climber 不會讀 clime-ber，而係讀 clime-mer。

舉一反三，現在你應該會估到 bomber 呢個字點讀。當然，bomb 這個 B 音是不發的，所以如果是 bomber 的話，就不會讀 bom-ber，而是讀 bom-mer。
除了 bomber 之外，還有很多字都是讀多咗個音而被讀錯的，例子實在太多，不能盡錄，但有三個字必須提一提。

第一個字是任職空姐的朋友經常有機會讀出來的，那就是 fasten。叫人扣好安全帶，英文是 fasten your seatbelt。留意，唔係讀 fas-ten，而係讀 fas-sen。

第二個字是 soften，意思是軟化，例如柔順濟的英文就是 softener。記住記住，唔好讀 sof-ten-er，應該讀 sof-fen-er，中間那個 T 是不發音的。

第三個字，就是英國著名大學 Warwick。好多香港人都會讀錯，但陶傑一定唔會讀錯，因為呢間係佢母校。正確讀音係 War-rick，個 W 唔發音，千祈唔好讀 War-wick。

《英文本色》是一本全面的英文秘笈， 80 個英文故事配以幽默「抵死」的插畫，令你輕鬆變成英文的高手！

書展前預訂可以優惠價$99購買，數量有限，售完即止。

根據非正式統計，以下三個字是最多香港人搞錯的......

第一個字係 crash。

「喂，sorry 呀，我聽日十二點半原來要 interview 呀，crash 咗我哋本來約嘅時間，不如後日再食啦。」Crash 有撞埋一齊嘅意思，所以好多人以為「撞咗時間」係 crash。錯了，應該是 clash。

記住，撞車係 car crash，撞時間係 time clash。如果覺得好難記，可以講番中文：撞。

第二個字係 drop。

「你可唔可以再講多次呀，頭先你講得太快，我又冇紙冇筆。你等等，我攞支筆嚟 drop 低你講嘅嘢。」我明白點解有咁多人會講 drop，因為例如你想話「佢留咗張字條畀我」，的確係 he dropped me a note。

但當你想話「抄低佢」，例如上堂抄 notes，就肯定唔係 drop down some notes，而係 jot down some notes。

第三個字係......

《英文本色》是一本全面的英文秘笈， 80 個英文故事配以幽默「抵死」的插畫，令你輕鬆變成英文的高手！

書展前預訂可以優惠價$99購買，數量有限，售完即止。