親子頭條社論｜CHIIKAWA？借來的節慶煙火，燒完就散。

這幾年大型節日檔期，商場中庭幾乎被CHIIKAWA霸佔。燦爛燈光、巨型裝置、打卡牆一應俱全，社交媒體宣傳鋪天蓋地，萬人空巷，轟轟烈烈。

但外來IP的繁華，向來只係「租」返來的。熱潮有期限，人潮退卻，布景拆走，最後咩都留低唔低…商場盤算得好精明：揀個已經炒紅嘅日本IP，流量有保證、風險低，一筆筆可觀的節日預算，就這樣送到海外版權商袋中…

各大商場喺香港搵食，賺香港人的錢，口口聲聲講紮根社區，偏偏一到佈置，卻永遠優先考慮「外人」的角色。

大家仲記唔記得安逗（Andox）同「黑仔」（Box）？一黑一白兩隻小牛，土生土長的香港原創IP，曾經出現喺演唱會、慈善展覽，承載好多港人回憶。

呢個只係其中一例。香港其實有唔少用心的本土創作，可惜大多數都入唔到商場策劃的優先名單。商場寧願花大錢「租」外地IP，都唔願意騰出中庭一角、分少少預算，俾本土IP有發光機會。

口號講「飲水思源」，資源分配卻完全係另外一套。外來IP係一場借來的煙火，燒完就熄；本土創作先可以慢慢積累，成為屬於我哋城市的文化底蘊。

筆者唔係話要趕走所有外地角色，只係可唔可以唔好永遠讓本土原創做配角？

我仍然相信，今日香港各大品牌，尤其係商場，其實可以更加支持本地製作。期待嚟緊聖誕，行商場，都可以見到更多香港自己的故事。