網絡熱話｜男子電單車後座載幼童　網民斥違法︰點睇都冇8歲！

屯門驚見電單車男後座載幼童！早前有網民在社交平台發帖，在屯門一帶驚見一名電單車男，後座載有一位幼稚園女童，網民直斥此行為極為危險並缺乏安全意識，甚至有機會觸犯法例。

電單車男後座載幼童

早前有網民在社交平台「車cam L」群組發有一張照片。根據照片，現場為屯門一帶，有網民在馬路上驚見有男子駕駛電單車，後座載有一名身穿紅色校服的女童，並背著印有幼稚園校名的書包，雖佩戴頭盔，但雙臂緊抱電單車男，小小雙腳凌空，正停在馬路上等待綠燈。畫面令帖主表示「小心啲呀！」

網民斥危險及違法

帖文隨即引起網民熱議，留言表示「 做老豆都真係要考牌」、「大人坐車尾都唔係一件好事，何況咁細個小朋友」、「好牙煙」、「咁細個邊夠力捉實同坐穩吖」。另外，網民紛紛指法例規定電單車有年齡限制，須8歲以上，直指「點睇都冇8歲！」

法例規定電單車不得運載不足8歲的兒童乘客

根據374G章《道路交通（交通管制）規例》第53條，在道路上的電單車司機，不得用該電單車運載不足8歲的兒童乘客，除非該兒童坐在牢固安裝在側車內的座位上。任何人無合理辯解而違反，首次被定罪可處罰5,000元及監禁3個月，如屬第2此被定罪或隨後再次被定罪，可處罰款1萬元及監禁6個月。