親子好去處︱東涌一日遊4大行程：聖誕打卡熱點+兒童書展+遊樂場放電+睇日落

踏入秋涼季節，係時候計劃親子玩樂行程，想走出市區但又想交通方便，可以選擇東涌連住機場一齊玩，不只食玩買兼聖誕打卡，仲可以同小朋友睇埋日落，創造滿滿家庭回憶。

行程一︰聖誕打卡熱點　4米高超巨大藍極光精靈

今個聖誕，東薈城名店倉為慶祝《藍精靈》誕生 65 週年，將商場搖身一變成為充滿驚喜的藍精靈聖誕村莊，當中包括︰4米高巨型「藍極光精靈」、8米高「燈光動感聖誕樹」、「『蘑』幻迷離蘑菇屋」和「藍精靈璀璨長廊」節日燈飾。CLUB CG 會員更可參加互動遊戲「藍精靈聖誕大冒險」，獲得限量版藍精靈立體拼圖乙份*。大人小朋友梗係要打個卡，同藍精靈留下一個聖誕回憶。

東薈城名店倉「 Smurfs Up Christmas 」詳情

地點： 東薈城名店倉二樓中庭廣場，地下及二樓天橋

日期： 即日至2024年1月2日

時間： 10am – 10pm

行程二︰亞博逛第四屆「兒童書展暨超級親子用品展」

亞洲國際博覽館（亞博館）經常舉行不同規模的展覽和活動，12月8至10日（星期五至日）將舉行「兒童書展暨超級親子用品展」，一家人可以在東薈城用膳後，到「兒童書展」搜購兒童圖書、教具和親子用品。會場更設「荔園嘉年華」，重現經典有獎攤位遊戲，並展示遊樂場裝置如叮叮船、過山飛龍龍頭、碰碰車、老虎仔及卡通小巴士等。各位家長回憶返晒嚟﹗

另外，同場亦設免費吹氣兒童遊樂園，兒童漂書活動、限時限量兒童圖書優惠、各種兒童體驗攤位活動、舞台表演、講座和工作坊等。一個地方滿足晒家長和小朋友的需要。

第四屆「兒童書展暨超級親子用品展」詳情

日期︰2023年12月8日至10日

時間︰上午10時至晚上8時

地點︰亞洲國際博覽館5, 7, 9號展覽廳

票價︰VIP門票：成人$200；兒童$100 / 一般門票：成人$100；兒童$50

行程三︰小朋友放電之選Chill Kids Club

Chill Kids Club 位於K11 ATELIER 11 SKIES，佔地32,000呎，設18個主題遊樂設施，包括波波池、滑梯及賽車場等。現時還加入全新玩樂空間 SKY PlayPark，是香港首個以藝術空間和創意玩樂為主題的室內遊樂場，集合體驗(Experience)、藝術展示(Exhibition)、學習(Education)、娛樂(Entertainment) 及探索(Exploration)五大元素，讓小朋友「在玩樂中釋放無限創造力」，親自來到「留白」的藝術玩樂空間，探索和發揮想像力。