【第五波疫情】學生提早暑假唔使zoom 家長頭痕：點安排小朋友？

第五波疫情嚴峻，政府宣佈新一輪防疫措施，其中全港中小學幼稚園（包括國際學校），本學年提早3至4月放暑假，校舍亦有機會徵用，以支援抗疫。提早暑期意味學生毋須網上學習，這消息令一眾家長大感崩潰，覺得小朋友學業大受影響，大鬧「3年都習慣咗zoom上堂模式啦，點解zoom都唔得？」、「街又唔去得，學又冇得返，大人要返工，點安排小朋友呀？」，

不少家長在媽媽谷和街坊谷大呻：

「zoom都冇得zoom，想點？」

「真係好癲，有必要嗎？」

「完全唔明zoom有咩問題！」

亦有不少家長感歎自2020年疫情以來，小朋友停課復課不停loop，即使網上學習仍像沒有返過學：

「我細仔直上小一，成個幼都無返過咁。」

「根本無享受過幼稚園。」

「成個初小生涯就咁就完咗，都冇點樣正式實體返過小學，然後咁就話升上高小。」

「搞到個學制亂晒籠！」

對於在職家長，最頭痛一定係安排照顧兒童，特別是「暑假」留在家防疫，室內戶外康樂設施暫停開放，難以「放電」。有兩孩媽媽表示，「要長輩睇晒兩個，好吃力」、「唔係個個家庭有工人湊」，亦有媽媽說「日日電視iPad放題，街又冇得出，玩具冇限loop咁玩，真係暈低」。

家長都希望疫情快點完結，還小朋友開心童年。