【為囡囡鬢辮】《Hair Love》大賣溫情　贏奧斯卡最佳動畫短片

影壇年度盛事之一的奧斯卡金像獎頒獎禮公佈得獎名單，小朋友最關心當然是心愛的動畫有否奪獎，但奪得最佳動畫短片得獎的《Hair Love》大賣溫情，同樣值得留意。

第92屆奧斯卡金像獎頒獎禮揭盅，由Matthew A.Cherry的執導《Hair Love》贏得最佳動畫短片，內容講述一名爸爸為女兒Zuri紮頭髮的故事。爸爸見到囡囡一把又蓬鬆又捲的頭髮，只想把帽子蓋起來就算，Zuri當然不收貨，從未為女兒弄頭髮的爸爸於是睇vlogger逐步示範，拿起梳子，編出一條條貼服又整齊的辮子，手法十分熟練，成功討得囡囡歡心。動畫《Hair Love》片長約6分鐘，後來改編成兒童讀物。

至於最佳動畫長片，就由彼思動畫出品的《反斗奇兵4》大熱奪得，擊敗《馴龍記3》、《克勞斯：聖誕節的秘密》、《Missing Link》和《隻手探險》。

爸媽在假期不妨與子女在家睇戲，做爸爸的不如為「前世情人」學紮頭髮，相信會給女兒窩心驚喜。