【好大對比！】開學首日著靚靚 放學勁烏搲

開學第一日會見到新同學和老師，當然要打扮得整整齊齊啦，爸媽更會拍照留念！蘇格蘭一名媽媽在社交網分享囡囡開學日前後對比照，原本梳好的頭髮變得凌亂、校服著得烏搲，乍看來以為是「蒲妹」，引起網友大笑。

蘇格蘭媽媽Jillian Falconer在開學日為5歲囡囡Lucie穿得整整齊齊，頭髮梳得貼貼服服、襪子拉在膝頭上、恤衫腳攝好、領帶掛在正中間，媽媽特意為她拍照留念，囡囡笑容甜美，像是十分期待。

Lucie當日放學回家，完全變了一個人，衣衫襤褸、蓬頭垢面，外套變跌膊、襪子也滑到小腿，猶如一名「蒲妹」，面上甜美的笑容不見，反而是皺著眉頭，略帶殺氣。媽媽以為發生大事，問Lucie在學校做過什麼，Lucie答「過了好正的一天」。

Jillian把照片分享在社交網，囡囡瞬間成為網絡紅人，有人留言「她看起來像剛打贏一場戰爭回來！」，亦有不少爸媽貼相，指家中仔囡情況也差不多，引起網友共鳴和大笑。

網友留言post相，指自己的仔女返學前後很大對比，共通點都是頭髮好亂。

圖片來源：Barrhead News Facebook