【小而強大！】加入迪士尼「蟻俠與黃蜂女童盟」

我地招募咗好多願意加入正義聯盟的小朋友，發揮小而強大的能量，等我地一齊嚟睇下大家的威水史。

今個新年，Joey我幫媽媽一起煮10人團年飯，個個親戚都大讚，好開心，之後還幫媽媽洗碗， 分擔了媽媽的辛勞。

升上小學之後，珀嘉主動認識新同學，自信心增加， 冇咁怕醜，呢方面已經對我同仔仔黎講好多進步。放學後做完功課後主動幫媽咪照顧妹妹同做家務，雖然只會付出小小嘅力量，但對媽媽來說，已幫了一大忙了。

 

今次滑雪體驗之旅，最令我地感到自豪既覺得Mancent同Marcus都成長左!因為起初天氣又凍又落雨(4度)，真係凍到手都無晒感覺，而且剛剛初學真係由朝跌到晚，最後經過不斷努力，唔怕跌唔怕痛，係無數咁多次失敗下終於自己滑到少少，真係好叻仔 !!

Heidi成為環保大使，推廣環保訊息，為綠色地球出一分力。

 

 

最近希希完成過最成就的一件就是自己學識左跳繩, 由初初每次都失敗到依家可以跳到一百下以上, 已經好大進步。

我仲記得好耐之前SY一定會早過雞啼前就起身，跟住就要我一齊起身，沖奶畀佢飲。不過幾年前開始，我竟然可以一覺瞓到中午12點!!我就得有一日起身個時SY坐正正係梳化睇電視，我問佢仲咩唔叫醒我煮野比佢食，佢同我講「我自己飲咗奶，食咗包啦，好飽喇，我唔想你唔夠瞓，所以米唔嘈醒你囉」。諗番起，我都會係心入面偷偷笑咗出嚟...

原來就係依啲好細微既舉動，就已經足以證明一個小朋友既成長，小小既力量仲比屋企人大大的愛。

爸爸媽媽好忙唔得閒嘅時候，Dexton會幫手照顧細佬，同佢一齊玩，令爸媽放心先把工作做好，再同我2兄弟玩。

Toby跆拳道比賽上得到第一名，還學到尊師重道、習武尚德。

詠詠開學2個月後就被老師選做班長，今學期好開心考到第一名。

Umm....講一件小朋友最讓爸爸媽媽自豪嘅成就，我諗就一定係小小豬K1第一次台上表演。還記得綵排嘅時候老師都暗地裡勸喻不如放棄(因為豬仔真係完全冇跳舞天份)，但經過小小豬嘅堅持，終於到表演當日可以好享受地跳完整隻舞。而最令我感動嘅佢表演中途係勁急小便，但佢都邊忍住邊跳咁完成整個表演(最後當然冇做失禮嘢啦)。

珈珈細佬2歲幾學識踩單車, 雖然唔係咩大成就, 但佢由好驚到慢慢開始學會, 過程中已經好大進步。

朗丞好錫細佬，經常替父母照顧細佬，作為父母，育有一個懂事嘅仔仔真係好安慰感恩。

Theo2歲學識自己著衣服, 又會時時幫手準備晚餐等等，小小嘅進步媽媽已經好感動，I Love You

「蟻俠與黃蜂女：擊戰特攻！」是全球首個以蟻俠同黃蜂女為主題、並以女超級英雄為主角嘅遊樂設施。新設施故事是與「鐵甲奇俠飛行之旅」相連，在香港進一步擴展Marvel宇宙，成為世界各地Marvel粉絲的朝聖地!

香港迪士尼將於3月28日率先舉辦「蟻俠與黃蜂女：擊戰特攻！」揭幕儀式！為隆重其事，蟻俠本人Paul Rudd、電影導演Peyton Reed、Marvel Studios 主席 Kevin Feige更會專程到香港迪士尼出席揭幕禮，同大家見面。

各位喜歡Marvel的大小朋友，記住於3月31日或之後一同到香港迪士尼樂園朝聖！