![](https://parentingheadline.com/image/catalog/201803/0322/20180323_8600_000.jpg)
【葉偉麟專欄】其實每個孩子都是一顆寶石
媽媽問:「點解我個仔咁難攪?做功課唔專心發晒夢想咁,做嘢甩甩漏漏,扎扎跳無時停,總之鍾意搞下呢樣搞下個樣,仲成日駁嘴包拗頸,有時仲衰向同學郁手郁腳比老師投訴!冇樣嘢可以乖乖地順我意㗎?」
我:「佢似乎中咗好多專注力不足/過度活躍症徵狀。」
家長:「唔係啩,有冇咁嚴重呀?」
我:「咁當然先要經過評估後先可以確定。仔仔嘅行為咁反叛令你覺得好嬲?」
家長:「梗係啦,嘥晒啲時間喺度同佢搏鬥,真係命都短幾年!」
後來我們替孩子進行評估,確診他患上專注力不足/過度活躍症。在接受治療期間,其中一項重要任務,就是為孩子建立自信心,因為在他的世界,已經太多 "NOs" "DON'Ts" 出現,認為自己做事大多數都是錯誤的,內心充斥著內疚及自卑心理。
但如果家長對孩子的看法及態度能夠改變,孩子往往在情緒及行為偏差方面,亦會出現戲劇性改善的。
我:「仔仔好多野似乎都唔順你眼喎?」
家長:「我都唔想架,佢D缺點真係多到數三日三夜都數唔晒!」
我:「如果佢啲缺點可以變成優點,你又會點睇佢?」
家長:「哇,咁就不得了啦,咁佢實行攞諾貝爾獎都得啦!哈哈⋯」
我:「其實優點同缺點,只係相對性嘅。如果可以幫佢地將唔同嘅性格特質,適當咁擺位,佢地就立刻可以發揮所長,變成叻人啦!」
家長:「即係點?」
我:「例如唔專心,相對地即係唔會鑽牛角尖有多元化學習力; 發白日夢背後隱藏住創意無限;包拗頸可以睇成有主見;扎扎跳無時停即係精力無窮噃;無記性又可以變成唔計較;即使係衝動,放啱位都會變成行動果段。」
後來家長終於學會了如何順應孩子的特質,安排不同的活動及學習方式給他,加上不斷的鼓勵,孩子重新感受到自己的「能力」,重建自信,得以發揮自我。
其實每個孩子都是一顆寶石,很多時候,我們都朦著眼睛耳朵,還沒有真正替他們開發而已。
-
農曆新年見到一眾久未謀面的親戚,或會一時難以想起怎樣稱呼對方。為避免尷尬,網絡上有人整理了親戚稱謂表,大家在拜年前不妨與孩子溫習一下!5 month ago
-
親子溝通是建立良好親子關係的其中一種方法!不過你們懂得怎樣跟孩子開展話題嗎?何基佑早前在Facebook分享了「12句適合在孩子睡前說的話」,家長不妨參考一下。1 year ago
-
分手後的另一個忐忑,是那個人失去你以後,誰能代你照顧他?還記得分手前夕,那個他彷彿沒有你不能活,你心很痛,但又覺得不能再這樣的待下去了,若是無止境的心軟,你就不能掙脫這個痛苦的循環。1 year ago
-
「情緒」是人與人之間溝通和建立關係的一個重要部分,我們能與人連結,是因為我們能夠「感受」,而家長如何接收和回應小朋友的情緒,對孩子的成長發展有著深遠的影響和作用。2 year ago
-
有愈來愈多證據指出,威脅兒童健康發展最巨大的威脅之一,就是「忽視」,也就是父母或照護者欠缺響應。如果孩子常被忽視(特別是在嬰兒期),那麼神經系統會將忽視當作是嚴重威脅健康的狀態,更甚會影響大腦發展。2 year ago