【玩勻免費遊戲室】「古堡＋海洋」黃泥涌體育館

位於跑馬地的黃泥涌體育館，距離銅鑼灣港鐵站有一段頗長距離，建議大家轉搭巴士、小巴或電車前往。

黃泥涌體育館有兩個遊戲室，一個係「中古城堡」，面積有71平方米，只限4-9歲嘅小朋友進入；另一個係「海洋世界」，面積有63平方米，只限4歲以下嘅小朋友進入。溫馨提示，「中古城堡」入面個大滑梯有一部分封住咗玩唔到，未知幾時修理返好，各位有意去玩嘅家長就注意喇！

兩個遊戲室均有年齡限制。

軟墊都有座城堡啊！

大滑梯，小朋友可以係裡面玩捉迷藏﹗

今次小朋友就當咗正方粒粒係籃球咁射入圈內，你哋又會點玩呢？

係海洋世界點少得有海豚。

海洋世界入面嘅壁畫好靚啊，真係海洋世界咁。

呢個電車站對面就係新月花園喇，裡面有個超級多嘢玩嘅戶外遊樂場，但要注意啊，逢星期三跑夜馬當日會提早關門啊！

遊戲設施勁多勁大

黃泥涌體育館兒童遊戲室

主題：中古城堡＋海洋世界
面積：71平方米＋63平方米
開放時間：早上8時至晚上8時（不包括下午1時至2時）
賣點：
1. 現場有壁畫有旗幟，真係成個中古城堡或海洋咁，小朋友容易代入其中！
2. 快活谷電車總站對面就係黃泥涌道新月花園，裡面有個非常大型嘅戶外遊樂場，小朋友唔夠喉可以嚟呢到，會玩得重過癮！