【玩勻免費遊戲室】「太空歷險」保榮路體育館

鄰近上水官立中學的保榮路體育館，是北區最新的室內運動體育館，設有羽毛球場、籃球場、乒乓球室、室內緩跑徑等等，當然還有今次介紹的兒童遊戲室。呢度距離上水港鐵站都有約15分鐘腳程，大家可以選擇乘搭巴士或小巴前往。

>

保榮路體育館兒童遊戲室面積有328平方米，主題係「太空歷險」，最大好處係真係好大好空曠，小朋友自己跑跑跳跳都有晒足夠空間畀佢地。因為所有遊戲設施都固定喺原位，今次小朋友就以玩障礙賽嘅形式玩得好過癮，唔知道咁多位小朋友會唔會發揮到創意諗到重可以點玩呢？

片段中嘅小朋友當正係雪糕筒咁扭呀扭。

「搖柱」挑戰！

喺半圓柱身上走動都唔易㗎﹗

擂台陣！有冇人挑戰我﹗

想睇清楚遊戲室環境，可以睇360全景相片。

保榮路體育館兒童遊戲室

主題：太空歷險

面積：328平方米

開放時間：早上8時至晚上9時50分（不包括下午12時至1時）

賣點：

1. 地方超級大同空曠，小朋友可以跑來跑去。
2. 外有單車徑，而家共享單車咁盛行，隨時租架單車踩都冇問題。