【多次投訴不受理】9歲女遭校園欺凌 母錄音機塞書包蒐證反被控

美國Norfolk一名婦人Sarah Sims因為懷疑9歲囡囡係學校受到欺凌，向學校反映問題後又遲遲未有改善，愛女心切嘅Sarah決定將錄音機塞入女兒書包蒐證，估唔到呢個舉動反而令佢被告返轉頭！

據悉，Sarah之前已就囡囡受欺凌問題，多次向學校反應，但無論透過電話定電子郵件投訴，問題都一直未見改善。今年9月，Sarah將錄音機塞入囡囡書包，打算自己蒐證，希望可以錄底證據。估唔到學校發現之後，竟然調轉頭指控Sarah「監聽他人談話」！如果罪名一旦成立，Sarah恐怕要面臨最高5年有期徒刑。

 

Sarah認為咁樣完全唔公平，因為成件事明明係學校對此置之不理，佢才要出此下策，更一度話指：「如果唔係咁，我仲可以點做？我感覺自己被羞辱。」對此，一名學區長官出面指出，話學校入面裝設錄音設備係被禁止嘅。

圖片及資料來源：The Telegraph