【玩勻免費遊戲室】「海洋主題」青衣西南體育館

位於涌美路的青衣西南體育館，雖然叫「西南」，但不是位於青衣的西南部，而是青衣新市鎮(即青衣城一帶)的西南方。由於該處位置距離青衣站有一段時間，建議大家乘搭巴士前往；從青衣城乘搭巴士，大

約15分鐘就可到達。

遊戲室以「海洋」做主題，設計幾靚，天花板造型模仿泡泡，好新鮮；就連鞋櫃都貫切主題，每格有唔同嘅海洋生物中英文名稱，可以畀小朋友寓玩樂於學習呀！

要數最受小朋友歡迎嘅設施一定係以下呢個滑梯，畀小朋友喺入面追餐飽！

小朋友可以喺呢到爬上巨型海星嘅身體。

重有好多唔同顏色嘅「波浪」，小朋友自製「衝浪」冇難度呀！

青衣西南兒童遊戲室 

主題：海洋

面積：350平方米，屬全港最大室內兒童遊戲室之一

開放時間：早上9時至晚上9時45分(不包括下午12時45分至2時及5時45分至7時)，每節時間45分鐘

賣點：

1. 今年7月底先啟用，夠大夠新淨！

2. 葵青區首個康文署室內兒童遊戲室，區內小朋友又多一個地方玩喇！