【拍片放上網】青年PlayGroup玩B被同場媽媽批孌童

但好多網民就反指，青年影片中行為並無異常，反而喺無實質證據下被放上網，罪名又咁嚴重，實在非常無辜。

短片只見青年依牆平躺，BB女就係青年身上爬行，青年就又雙手托住不停郁來郁去嘅小朋友。有網民就指青年行為並無異處，質疑拍片者點樣睇得出對方喺孌童？而拍片果位媽媽，既然覺得人哋孌童，咁點解拍片唔阻止對方？但亦有網民反指青年有幾吓托住女童屁股，疑似非禮。

由於Post迴響太大，最後一名疑似係青年爸爸留言解釋道歉，指自己仔仔絕非孌童青年，平日非常喜愛同小動物同初生BB玩，但理解父母對仔囡嘅緊張心情，認為仔仔所犯嘅錯係親疏不分、入世未深，但由於行為有可能影響到社區，因此已約見社工及教訓過仔仔。

由於網民有太多唔同聲音，原Post已經將影片刪除。事件眾說紛紜，但到底邊個啱邊個錯，就要睇大家點睇。不過，好多網民就指，喺決定將影片放上網之前，最好都係先確認咗事件真偽；即使覺得對方行為「有問題」，其實即場阻止會比拍片放上網更有效直接吧﹗

圖片來源：Facebook Page 「巴打絲打Facebook Club」