【放假扮靚】試做有機人手按摩雪絨花Facial

話說7月Bioscreen醫學美容中心做優惠，呢個咁勁嘅Facial新客試做只係$168，身為人妻就當然要有咁抵得咁抵，見到平嘢真係雙眼發光。雖然話個Facial咁抵做咋，但其實原價都要成$980，所以唔執輸去試一試再同大家分享。

做咗媽咪之後，其實真係無乜時間護理皮膚，得閒抽個幾鐘出嚟先可以保持返個樣，話晒身型已經走樣，點都要保持返個樣。

試呢個Facial另一個原因其實都因為其所使用的產品吸引，採用全天然有機柔膚產品，再加上用人手按面，產品堅嘅地方係佢有四大主要核心成份：包括雪絨花提取物、葡萄幹細胞、透明質酸、有機純甜橙水 ，以及其他添加高效活性成份之植物性提取物 。單單是這些成份，都已經覺得有效，而產品更聲稱有強化表皮層屏障，幫助敏感肌膚在環境中得以平衡、增強皮膚天然抵抗力 、保護皮膚幹細胞抵抗紫外線壓力 ，從而達到改善皺紋、撫平細紋、回復肌膚彈性。

講返做Facial嘅情況先，首先都係入房換件衫上床攤，跟住美容師就會幫我清潔面部，跟住就開始療程，美容師會將精華以人手按摩上面，手法係採用獨特的紓緩按摩，目的要促進血液循環及面部淋巴循環，令到個啲咁勁嘅護膚產品滲透，咁皮膚就自然回復光采同活力啦！

按完之後，美容師就會敷返個有膠原蛋白嘅面膜，為我嘅肌膚注入返彈性，完成之後，我覺得自己個面好夠膠質，哈哈！

搞掂晒換返衫，臨走之前仲有一碗每日靚湯飲，真係夠晒貼心，為我哋呢啲無乜湯水嘅媽媽補一補！

順帶一提，由於呢個Facial係全人手按摩，產品又天然，所以如果你係懷孕中嘅靚媽都可以做架！

個優惠做到7月31日咋，各位靚媽都快啲去試吓啦！

網址：http://www.bioscreen-paris.com/index.php

查詢：2543 7000