【學校禁學生著短褲】英國50名男學生改著校裙

事源於該校一名男中學生嘅家長，見自己仔仔著長褲返學，熱到暈低咁滯，於是向校方要求畀啲男學生著短褲返學。但校方即時就否決咗呢項建議，指短褲唔喺校服，更同相關男學生話如果真喺覺得熱，可以著校裙返學。好啦，呢位男學生同另外4名男同學就真喺走去問女同學借校裙著，最終有50名學生響應，齊齊著校裙仔返學！有家長就話男學生見女同學可著長褲或校裙返學，但他們就必需著長褲皮鞋，認為佢哋喺不滿學校政策唔公平先發起這次行動。呢班男學生著住校裙返學，並無受到學校為難，除咗一位學生因裙短同腳毛太多而出咗啲問題，於是其他男學生第二日都剃哂腳毛先返學。

校方就指，校規規定男學生必須要著長褲，並重申短褲並非校服，因此喺諮詢學生同家長前，是不會作出任何變改。但天氣越嚟越熱，學校會盡快開會商討，看看會否作出特別安排。

圖片及資料來源：Devonlive.com