【傻的嗎？】買母乳皂先要驗明乳房？

喺網上賣開母乳皂的媽媽們，佢地通常都會有一批熟客或者靠朋友介紹來賣皂，對於母乳皂點整，他們一般好少過問，因為大家都講過「信」字。不過，總有啲媽媽想問清楚一點例如：用幾多母乳去整、仲有用咩材料整皂等等，大多數媽媽都會有問必答的；但好似以下呢位客人咁，擔心母乳有問題而要求檢查埋對方乳房，咁就有點唔尊重了。

早前有位賣開手工和母乳皂的A媽媽，在Facebook分享了一段WhatsApp對話，從內容所見，對方要求該A媽媽比啲母乳自己睇下，仲提出可以用Video或約出來當面檢查，事主當然立即拒絕啦﹗記者後來向A媽媽詢問詳情，原來對方因為BB皮膚唔好，所以擔心母乳皂喺製作過程會唔乾淨，後來A媽媽跟對方說可以自攜母乳俾佢整，對方才知道原來可以用自己的母乳，本來事情已經解決，雙方仲約好交收日期，但對方最後沒有回覆，仲block咗A媽媽電話號碼，所以A媽媽就喺自己Facebook分享上述經歷。

提出檢查母乳，一來是擔心d奶唔乾淨，二來原來對方唔知可以用自己的母乳去整皂。

學A媽媽話齋，想買母乳皂又擔心d奶有問題，不如用自己d奶，或者索性自己試下整，咁咪唔駛驚喇﹗