【行善最樂】帶著仔女齊齊跑

渣打慈善家庭跑是全新的跑步活動，今年7月23日於中環舉行，為「看得見的希望」、香港殘疾人奧委會暨傷殘人士體育協會及香港防癌會籌款，同時與食物及衛生局合作，透過今次活動推廣器官捐贈，為社會有需要人士送上關懷。除了跑步之外，大會同場會舉行合家歡嘉年華，以家庭、環保及慈善為主題。除有現場樂隊表演之外，亦設有一系列免費活動，包括：水戰派對、草地家庭照拍攝、臉部彩繪、扭氣球、環保工作坊及攤位遊戲等，小朋友會玩得好開心。

食物及衛生局局長高永文表示對兩公里跑有興趣，而且活動正好配合近日促進精神健康的主題。

活動設有兩個組別，分別為兩公里跑及前世情人跑，前者更設97壽星組，邀請1997年出生的年青人一起參加。

想帶埋你前世今世情人一齊跑，就要5月22日上網(www.putyourself.in/sc)報名，今次參加費用全免，只要6歲以上參加者最少捐款$200，便可以參加。大會將不扣除成本全數捐予三個受惠機構。報名截止日期為6月9日，名額有限，先到先得。

來自渣打員工任職經濟師的Kelvin，今年將會帶同太太Yan及仔仔閱閱一齊參加前世情人跑，享受家庭時間，感受歡樂氣氛。

大會邀請到幾位人氣Blogger到場支持，幾位靚媽聽完都表示要帶埋老公仔女齊齊參加。

小編都諗住跑住阿仔一齊參加前世情人跑呀！