【懷孕旅遊忌路遠】台灣孕婦旅遊早產負巨額醫療費

為咗安全而言，在懷孕嘅頭3個月同最後3個月，都唔建議孕媽媽出外旅遊。而且早產真係未必有先兆，所以都係乖乖地養胎比較好。日前台灣就有位懷有7個月身孕嘅媽媽，同老公去咗沖繩旅遊，不料旅程期間意外早產，需緊急在當地醫院生產，最後要需負擔至少600萬日元（約42萬港元）定巨額醫療費。

圖片來源：網絡

呢對夫妻喺到達沖繩後嘅一天，媽媽就突然穿咗羊水，隨即緊急送往當地醫院治理，當時醫生估計BB早產，體重過輕，所以再次轉送往有足夠設備嘅醫院。過程中，由於語言不通，醫院更為媽媽搵嚟沖繩當地台灣人，幫手做翻譯義工。對此，爸爸表示非常感激，但由於自己仔仔為早產兒，目前正於沖繩醫院接受緊特別治療，夫婦需為此負擔至少600萬日元嘅醫療費，所以感到煩惱。而當地「琉球華僑總會」當時就決定捐出100萬日（約7萬港元），助佢地解燃眉之急，並希望各界伸出緩手。

 

近日「琉球華僑總會」稱已收到近1,200萬日元（約85萬港元），已經超過本身所需費用。呢對夫妻對各界幫助表示感激，佢哋仔仔預計5月中旬就可出院。但好多網友就認為，懷孕七個月仲出國旅行，一有事就為當地人造成麻煩，實在唔應該。