【復活節玩轉淘大】玩樂實踐STEM教學

活動聽日(即4月1-6日) 開始喇！今次嘅體驗區同工作坊分別喺唔同嘅大堂進行，等我哋逐層去睇睇……由一期地下大堂開始，就見到個好大嘅森林！哇！

之後仲會見到三個至「型」STEM互動體驗:

1. 「動力車SUN」體驗區

2. 「復活蛋Boxing 」體驗區

3. 「反斗運『蛋』車」體驗區

玩完就可以入去睇埋呢個至「型」珍藏展覽，一次過睇晒好多款絕版及經典TAMIYA田宮迷你四驅車、手製模型、得奬模型作品等等。

仲有唔好錯過呢個影相打卡位，就係呢架全球首個1比3經典系列Lunch Box越野四驅車！

場內仲有 TAMIYA 期間限定店，黎到就唔少得買返樣野自己砌、自己玩！(以下為熱賣品)

玩完地下大堂咪走住喎，搭埋條電梯上二期1樓中庭仲有驚喜。因為樓上仲有親子互動工作坊玩*！小朋友可以齊齊動手砌極速子彈車或者各種機械小動物！活動期間，無綫電視兒童節目《Think Big天地》嘉賓主持鄧文瀚老師STEM Sir 仲有機會到場做講師，為小朋友講解子彈車的動能原理，啟發小朋友的創新思維。好吸引！

*(只要顧客於商場消費滿HK$300元或以上，憑最多2 張不同商戶發出之即日機印電子單據，即可於指定日子參加親子互動工作坊乙次) 

最後額外提一提，4月16號 (星期日) ，當日會舉行「全港學界迷你四驅車大賽2017 - 前哨戰」。場內設有全長逾百米的大型迷你四驅車軌道，俾你一較高下。最快完成賽道的六名參賽者，將可優先獲得出線權，自動晉升總決賽，成為今年暑期舉行的「全港學界迷你四驅車大賽2017」的種子選手。

節目咁豐富，又點可以錯過呢! 聽日就黎淘大商場啦!