【一定唔買】學校建議購買8本補充練習 5本涉及TSA

近日有家長於群組「不願小朋友成為功課奴隸」中上載咗一張學校建議購買補充練習嘅通告！校方指原意為加強同學中、英、數之基礎，但細心一睇，發現校方所建議小四同學買嘅八本練習入面，有五本涉及TSA！更可悲的是，當局用語言偽術，強推全港小三參與BCA計劃，結果小二同學都難逃一劫，校方一樣有提供建議練習比同學，至於係唔係為BCA鋪路就不得而知。

雖然校方無更性規定一定要買，但正正反映其實TSA/BCA仍存在操練誘因，但當局一直不願正視問題，即使近年學童輕生事件不斷，卻無任何反思或改善現行教育制度，實是令香港家長大為失望。

不過點失望都好，千祈唔可以絕望，抱怨嘅同時我地可以做嘅仲有好多！自己小朋友自己救，寫信、打電話乜都好，由下而上比壓力教育局，或者距離成功嘅路仲好遠，但我地要明白「不進則退」，家長們共勉之。

圖片：網絡