親子頭條小編
16 January 2017
【網購又中伏 】條褲姚明都著唔落啦
話說呢位日本人上網用500yen買咗條褲，買返嚟就已經有污跡！雖然有少少污跡就唔係話好介意，咁平預咗有少少問題，著到啱身就無問題啦！等我攤開條褲睇下先。
望落就夠曬Slim-Fit啦，但點解個比例好似怪怪地咁！唔緊要啦幻覺嚟嘅姐，著上身就無問題架啦。
算啦，我諗我都係唔好再自己呃自己，大家要笑就盡情笑啦，等我記住呢個恥辱，下次就唔會再貪平。
望到呢位中伏仁兄將條褲著上身，相信大家都有一種似曾相識嘅感覺，係邊到見過呢種打扮呢？小編我沉思咗一陣，終於比我諗到係邊到見過！
無錯就係蛙鞋！真係好似，不過其實買咗呢條褲都唔洗太唔開心，可以拎去改短，或者可以走在潮流尖端，將長嘅部分全部Roll起佢！當然最好就係要求退錢/退貨啦，不過小心中店主d語言陷阱，好似以下個案咁。
圖片：網絡/ yuzu_runba/twitter
親子頭條
親子頭條
