【百寶袋】親戚稱呼計數機？！

媽媽個表姐係你邊位？阿嫲個阿妹即係咩？爸爸個舅父又點稱呼？每逢飲宴、拜年，見到一大班親戚，又唔知道點叫，真係搞到頭都大堆。做了爸爸媽媽的你，分分鐘自己都未知點叫好，莫說要叫子女向人問好。如果話你知有一個App可以幫你計掂條數，一按即知點叫好，係唔係好正先？

從小到大，小編都覺得自己對「家族樹」這回事看得通透，不過，身邊有不少朋友卻從未搞清親屬稱謂。年屆適婚生子之齡，都開始擔心日後如何教導子女有禮貌學懂叫人。新潮的爸媽可能覺得叫聲「Uncle」、「Auntie」就無問題，但是長輩始終是長輩，傳統禮法總比較上心。

機不離手的家長們終於等到了，因為有一個手機應用程式，專為解決親戚稱謂而設。這個「三姑六婆」手機程式，以計數機方式輸入親戚關係，只要簡單步驟，就可以解決到唔識叫人嘅問題，下次要見親戚朋友之前，家長記得查定叫法，這樣就不怕子女被人說成是無禮貌啦！

用法示範：

打開個App，你會發現畫面上有十種近親關係按鈕，要先選擇自己的性別，然後依照血緣關係順序輸入，就可以找到直接的稱呼。

例子一：

For媽媽：奶奶個細佬個女應該點叫呢？

只要按入「丈夫」「的」「母親」「的」「弟弟」「的」「女兒」，此時App會查詢這人比丈夫年長/年輕，如果是年長的，一按之後，再按「=」，便會出現答案「舅表姑奶」。

例子二：

For子女：阿爸個表哥個仔點叫？

只要按入「父親」「的」「母親」「的」「弟弟」「的」「兒子」，再按「=」，便會出現答案「表弟」。

總括來說，個App簡單易用，快捷提供最適合的稱呼，拜年或飲宴前，家長們不妨Download定一個傍身。

• 父母最關注：
• 【仔女好難教】 資深校長 2 招改善孩子惡習
• 【相當有效】 8 個鼓勵孩子學習的方法
• 【心理測驗】 小朋友有壓力嗎？
• 【專業社工教路】 小學生拍拖 阿媽點處理？
• 【湊仔貼士】 做個開心快活媽咪 13 式
• 【加工肉易致癌】 嚴選 5 大健康早餐