【最平1蚊】母嬰、保健、護膚用品聖誕開倉

好！入番正題！今次介紹嘅係呢個喺荃灣區嘅聖誕新年開倉！

呢個開倉由12月20日起舉行，每日都有唔同嘅限量特價產品畀頭10位到場購物嘅顧客，就好似22/12(星期四)，每日限定1蚊1支嘅超特價產品就有California Baby加州寶寶防蚊驅蟲噴霧192ml；23/12(星期五)就有1蚊1盒嘅日本KAO花王蒸汽眼罩14片，係咪勁抵呢？

搶唔到每日限定產品嘅話，都唔緊要！因為其實日常日品都好抵買！有咩好嘢？一齊碌落去睇下啦！

日本版萬秀雷敦潤唇膏特價$1咋！掃多幾支畀親朋好友啦！我最憎人爆拆架喇！

日本版Merries NB尿片80蚊一包，買完再放返上網轉售都有著數，不過每人只限購一件咋！有需要嘅咪叫多幾個朋友去囉！

呢個星星餅抵！我平時都係畀呢個牌子我個仔食！平時買要3X蚊，而家20蚊好抵！

THE BODY SHOP茶樹油BB Cream $60一支。

THE BODY SHOP茶樹油沐浴露$50/250ml，大大支有排用！

THE BODY SHOP士多啤梨味Body Puree又係好受歡迎嘅產品。

另有SHEA Shower Cream都係50蚊！

aussie係英國No.1美髮品牌，好嘢嚟架，未試過可以一試，都係30蚊咋。

兒童益生菌，$160一盒30粒。

California Baby加州寶寶防蚊驅蟲噴霧，原價$95，開倉價$40！

不過，佢呢度啲貨品雖然真係好抵買，不過個地點都幾隔涉，唔多就腳。如果你搭西鐵去到荃灣西鐵站B出口往屯門公路麗城花園方向行，都要行800米，即係兩個標準運動場嘅距離咁上下。嗯！要買平嘢係要付出少少架喇！當運動下囉！

地址：荃灣青山道603-609號江南工業大廈B座301室

時間：12月20至23日(星二、四、五)上午11時至下午8時、12月21日(星期三冬至)上午11時至下午4時、12月28日至31日(星期三至六)上午11時至下午8時