【身教是什麼】當住孩子面輸波打人 13歲球員被欺

係12月14日，武漢兩隊初中籃球隊係比賽時發生肢體衝突，估唔到打完場波就輪到家長亂鬥。小朋友又打家長又打，真係打人多過打波。

事件疑因係比賽第四節時，雙方係場上發生肢體衝突，主隊家長情緒十分激動，不斷辱罵場上球員，加上成場比賽客隊一直力壓主隊！

比賽完結後，主隊家長竟然堵塞球員退場通道，圍住一位13歲年輕球員挑釁推撞，有家長保護心切撐身而出，馬上中拳！雙方家長很快就爆發衝突，係一班學生圍觀下上演咗一場「大朋友齊打架」的鬧劇。

(客隊教練係打鬥中鼻樑骨骨折、門牙被打甩一隻)

混亂中甚至有一把聲係到叫囂「今天一個都別想出這個大門！」說話者竟是主隊李姓教練！主隊暴徒聞言更加猖狂，對客隊已經毫無招架能力的人員繼續施暴。最終客隊球員撥打110。警察到場呢班所謂文明校園內的暴徒們先驚慌四散。

總括而言，呢班家長心智仲差過小學生，好難令人想像佢地平時係點教仔！又輸唔起又野蠻，令人擔心佢地仔女都會步後塵，同樣成為咁冇質素嘅人。

影片：騰訊視頻