【親子露營必去】3.5公頃的草地加小魚塘

好似今次受訪嘅好爸爸Kelvin，早前就趁兒子9歲生日，一家三口與朋友一齊去咗親子露營熱門地西貢深涌，進行咗一次難忘嘅「親子露營」。

低調嘅Kelvin一家雖然唔希望出鏡，不過就好樂意分享「親子露營」嘅靚相！一齊睇下啦！

於大學馬料水碼頭搭船到深涌後，大約步行10分鐘就會到達露營地點！

由於當地指示牌稱草地為私人地方，所以若要露營要先到相中村屋士多登記並付款，費用為＄50 一個營。不過呢個費用其實包埋使用乾淨食水及洗手間，所以都抵畀嘅。

成班小朋友可以學下幫手扎營。

草地上、魚塘邊露營，好似去咗外國咁。

大幅草地除咗可以跑跑跳跳之外，仲可以打羽毛。

 同好朋友一齊放風箏，此刻無價。

大片草地中央有一個魚塘，小朋友可以同家長一齊試下親子垂釣，當訓練下耐性囉。不過大家都係好似佢哋咁玩下好喇，如果係釣魚高手釣晒人哋啲魚上嚟咁點算？哈哈！

一家人一齊扎營，幾溫馨！

 咁大幅草地，真係可以任跑任跳架！

天氣涼涼地，喺草地上打邊爐好正呀！

營地中煲水。

營地夜晚好好feel喎！

不過唔知多唔多蚊，蚊怕水應該係必備嘅！

好得意喎呢個「焗爐」！

呢個英式早餐真係好豪華！見到都想食！

呢個螺絲粉貌似好好味。

戶外食西餐，炸唔到薯條都要有薯蓉同意粉。

(更新)呢兜唔係肉醬，係整朱古力蛋糕嘅材料。

如果爸爸媽媽咁樣同我慶祝生日，喺草地食DIY蛋糕，我一世都會記得！

真係露營熱門地嚟架，你睇幾多個營！

睇完啲相之後，就好似自己去咗一次露營咁，完全感受到何為寫意。尤其無諗過去露營都可以食得咁好！果份英式早餐真係好豪華！當然，你要有番咁上下準備、裝備同廚藝先得啦！睇完而家即刻想帶埋阿仔去露營呀我！Kelvin其實仲同我哋分享咗一啲親子露營嘅小tips，想知就要繼續留意我哋嘅最新報道喇！