【今次係邊間】網店中伏媽媽訴苦「錢退唔到貨又收唔到」

毛媽(化名)同我地分享左一件網購嘅不愉快經歷，事緣於毛媽某日經Facebook廣告接觸到網店Shoptistics，對其中一個音樂盒感興趣，於是Whatsapp專頁上所提供嘅電話號碼。初步了解後，店主要求先比一半訂，然後最少要預7日起貨，唯獨毛媽因為要去旅行，所以提出11月先拎貨，對店主嚟講時間理應十足充裕可惜到最後毛媽貨收唔到，錢又收唔返。

毛媽指初時店主回覆速度都比較慢，通常數小時至一日不等，但後來直頭連「影都冇埋」，有遇上相同情況嘅媽媽更加已經去左報案落口供處理。

 由10月16日第一次過數比訂，直至11月22日期間。毛媽一直有追問情況，但店主採用「拖字訣」處理。

而店主最終都係無寄出件貨，但係就收足錢！最後係毛媽警告話會報警之下，店主應承會係17號過返全數比毛媽，但事後又係不了了之。

事件擾攘接近個半月，毛媽終於係琴日(11月22日)夜晚收到店主退款！經調查更發現，其專頁上都有唔少受害人留言。

最後再提一提各位讀者，現時網店專頁泛濫！產品質量同服務都完全無任何保障，各位購買前應自行判斷風險，提防受騙或遇上不愉快經歷。

玩具網店被踢爆係山寨貨事件重溫請按此

圖片由毛媽提供