【中伏！】實試網上熱賣「速乾梳」

「女神」通常都係長頭髮架啦！但要有把靚嘅長頭髮，平時打理絕不能懶！洗頭後少不免要用長時間吹頭梳理，尤其冬天凍冰冰，想偷懶唔吹頭都唔得。

最近我哋買咗把網上熱賣嘅「速乾梳」！

呢把可以一邊梳頭、一邊吸水嘅「速乾梳」，其實就將吸水能力高的布料加入梳刷位置，以吸收頭髮水份，配合風筒使用更可減低吹頭髮嘅時間咁話。不過實試後就發現唔係咁好用。

我哋個長髮秘書小姐試完就話：「把梳太大，塊布太厚，梳落頭髮時感覺梳唔到落頭皮，好似梳來梳去都係頭髮表面咁！唔覺得吸到好多水。」

配合風筒咁梳效果又點呢？「係會快啲乾嘅，但用果陣唔係咁就手，因為把梳好大把。」

「而且最大問係，雖然佢有啲孔係for疏氣等把梳濕咗之後快啲乾返，但唔可以拆出嚟洗。我覺得唔係咁衛生，因為平時啲毛巾掛出嚟都會發毛啦，何況呢個塊布唔拆得出嚟。」

後來我哋更發現，網上流傳嘅果把日本熱賣「速乾梳」個梳柄位係有品牌Logo嘅，我哋買果把($69)係冇架！應該係流嘢！嗚！