【免費攞尿片】實試港九新界20大商場應急服務

唔講大家可能唔知，其實好多商場都有免費尿片提供畀BB應急，想知邊個商場有呢個服務、提供乜嘢牌子尿片、有乜Size揀？我哋就走勻港九新界20個商場同大家搜集到資料返嚟喇！

如果你個小朋友仲係用緊尿片，就一定要睇！真係超實用！

尖沙咀K11 - 散裝 Huggies / 有後期包裝 + 用完即棄換片墊 / 只有M碼

荃新天地 – 散裝 Pampers / 無後期包裝 / 只有M碼 / 要登記人名

荃灣廣場 – 散裝 不明品牌 / 無後期包裝 / 只有S、M / 須收$1作慈善用途

青衣城- 獨立包裝 Goon / S、M、L、XL

元朗YOHO Town II – 散裝 不明品牌 / 有後期包裝 / 只有XL

觀塘APM – 散裝 萬寧牌 / 無後期包裝 / 只有L

九龍灣德福廣場 – 散裝 Pampers / 有後期包裝 / 只有M、L

尖東海港城 – 散裝 Huggies / 有後期包裝 / S、M、L、XL

尖沙咀美麗華廣場 – nepia 獨立包裝 / S、M、L

沙田新城市廣場一期 - 獨立包裝 Goon / S、M、L、XL

大埔超級城 – 散裝 Mustela / 無後期包裝 / 只有M、L / 須捐$1到香港導盲犬協會

旺角新世紀廣場 - 獨立包裝 噓噓樂 / 只有M、L

旺角朗豪坊 – 沒有此服務

屯門市廣場 – 沒有此服務

銅鑼灣希慎廣場 – 沒有此服務

銅鑼灣皇室堡 – 沒有此服務

將軍澳新都城 – 沒有此服務

東港城 – 散裝 噓噓樂 / 無後期包裝 / 只有S、L

Popcorn - 散裝 不明品牌 / 無後期包裝 / 只有S、M

葵芳新都會 - 散裝 Mustela / 無後期包裝 / 只有L

(攞尿片測試日期為9月中至10月，全部數據僅為查詢當日所得。)

睇完之後，大家以後就知道邊個商場有咩尿片攞喇，萬一阿B突然痾咗BooBoo而你又咁啱用晒啲片，你都知道邊個商場即刻可以畀你免費攞塊尿片應急！個人覺得有得揀就緊係揀獨立包裝嘅尿片Sample，因為最衛生。

不過萬一真係無得揀，就算只係得散裝不明品牌，都要頂住先！另外K11附加一張自家換片墊亦非常貼心，值得一讚！至於果幾家仲有未有提供免費尿片服務嘅商場，唔該檢討下！

最後，又提提各位家長，雖然商場詢問處有得免費拎尿片好方便，但千祈唔好貪心喪拎，因為始終呢個都係應急服務，應該要留返畀真正有需要嘅BB！