【打風都照開倉】10蚊起bb衫仔韓國童裝

一去到現場，發現呢個開倉點同平時去開嘅平倉最大分別係地方超細！

一間房仔咁，一眼睇晒！所以大家千祈千祈唔好帶埋bb或者推埋bb車去，因為真係會無位行！

雖說地點細小，但目測現場嘅特價衫仔排列整齊，唔似一般工廈店咁亂糟糟。

衫仔可買性甚高，即係平得來又多款揀，仲要有好多特別款式。

最令人驚喜嘅係，現場仲有好多韓國進口嘅靚料女童衫仔，100蚊都唔使就買到。

呢條連身裙特價$75，差唔多款嘅衫仔我之前喺出面商場舖見到要二三百蚊，真係好抵！

Mickey夾衣全部10蚊一件！

背心仔又係10蚊！

超得意小暖男、小公主、小鮮肉夾衣都係20蚊一件！

店主話呢兩款剪牌Polo夾衣超好賣，$40咋！平過花園街！

呢條裙仔都係40蚊，都係剪牌Polo！

韓國進口童裝$50

呢幾件都係韓國進口童裝，各$50

我好喜歡呢款，兩個色都好靚，各$70

BabyGap夾綿背心，好軟綿綿架，啱晒而家天氣著，各$60

長袖夾綿連身衣，都係BabyGap，各$85

呢件女童褸仔好可愛，$100

呢件兩色選擇嘅魚夫款外套都係百幾蚊咋！

冬天超凍都唔怕嘅包腳夾，各$70

男童冬天外套款都有好幾款選擇，又係百零蚊！

羽絨背心特價$100

親子裝都有，$120一套！單買大人款$90，小童款$50

除咗衫仔之外，現場仲有少量bb用品同玩具選擇，例如帽仔、尿片袋、筆盒、學習褲等，以一個咁細地方嘅舖仔來說，選擇都算多。

現場仲有少量玩具、bb用品特價發售，就好似果個水泡咁，現正在紅磡進行嘅Mothercare係賣緊$199，呢度就$180。

好多媽媽都搵唔到邊度有得買嘅香草奶咀呢度都有，$39

冷帽仔$20

超得意帽仔加口水肩，各$50

防水尿片袋$25

在細問店主有乜推介之際，偶然發現身為媽媽嘅店主原來都係我哋《親子頭條》嘅讀者。所以店主話，如果大家係睇到呢篇報道而前來開倉購物的話，就獨家優惠讀者，可享買10送1優惠。另選購汗巾則有買5送1優惠。現場只收現金。

冬夏童裝開倉

日期：10月19至10月22日

時間：12至6pm

地址：荔枝角香港工業中心C座1樓C6-C室