【超平特賣場】Nike童裝鞋$50 羽絨$90 滾軸溜冰鞋$390

入到嚟大家乜都唔洗諗，一定要直接去搵小朋友鞋！你用一餐Lunch嘅價錢已經可以買到一對大牌子波鞋，講緊嘅係Nike、Adidas、New Balance，真係叫出家人也心動。

(Nick童裝鞋 $50)

運氣好的話仲可以搵到特別款，我手上呢對AdidasX迪士尼米奇老鼠都係賣160。

媽咪都可以係呢到執到唔少平野，成人衫尤其係女裝，30蚊就有件！仲唔夠平？10蚊我都搵到。

大大隻字寫住10蚊，無花無假！唔好以為10蚊就質地好差，就以我上面呢件為例，摸落去都幾厚質感，唯一美中不足就係，要係茫茫衣海入面搵啱自己碼！

(背心連身裙$30)

天氣就嚟轉涼啦，一次過買埋羽絨就啱曬！呢件童裝Hello kitty羽絨都係$90蚊！同一個款式仲有大人碼，不過就要$160，只需要$350就可以同囡囡做孖生姊妹。

(圖左為小童碼$90，右為成人碼$160，款式一樣！大家可以放心，成人碼都有白色，我只係影第2隻色比大家參考。)

平波鞋就買得多，平嘅滾軸溜冰鞋你未掃過啦掛，一場嚟到，買返對比仔女玩都唔過份，反正咁平！

（滾軸溜冰鞋原價$1490激減$1100，售$390)

最後當然唔少得大人波鞋同皮鞋啦，大家只要肯搵，一定有旬貨執到！小編就搵到呢對全白AF1，可惜無我碼，唯有痛哭放返底。

（左起價格分別為$90、$290、$240、$240其實現場有唔少鞋都接近$100蚊對，但我覺得款式一般，所以精選左以上4對比大家)

最令我驚喜係Dr Martens靴都係$330，係呢到買4、5對先等於一對原價價錢！

便服及運動名牌開倉

日期：即日至9月26日

時間：1100-2100

地址：尖沙咀廣東道7號九倉電訊中心5字樓