【轉季掃貨】迪士尼童衫50蚊起

今次我地嘅目的地就係呢間MM House，門口就已經係一堆平貨等緊大家。

大家要留意返係50蚊起，所以唔係件件都50蚊，而事實上我都搵唔到太多50蚊衫，但唔洗失望！因為大部分都係58蚊，尚算係可接受範圍。

款式方面都叫多，但小編感覺上都係比較old school少少嘅設計，質地方面都唔會太薄，唔似洗幾下就玩完果d。

場內有部分長袖衫同連身裙都做緊減價，個人感覺嚟講連身裙就幾抵，一件都係75蚊；長袖Tee就72蚊，雖然都叫平但未到可以令我驚喜嘅地步！

全場最平嘅衫都係30蚊，，唔知係咪斷碼定清貨先咁平，30蚊！講緊嘅係30蚊一件迪士尼衫！由於太開心，唔記得左幫大家問係咪斷碼定點，唔想錯過就自己去睇下啦！

場入面最多就係3-4歲小朋友size，個優惠做到幾時就唔清楚，大家想買就行過記得睇下！

如果呢個吸引唔到你嘅話，睇埋呢個都係樂富廣場嘅40蚊bb衫，做到9月20日就完啦：http://bit.ly/2crGs2m

MM House

地點：黃大仙樂富廣場3樓3133A號舖

營業時間：星期一至星期五: 11:00 am - 8:00 pm
　　　　　星期六、星期日及公眾假期: 11:00 am - 9:00 pm

圖片：親子頭條