【全部都係鬆弛熊】Rilakkuma Café拉拉熊咖啡廳

想感受一下被大量鬆弛熊包圍住咁嘆個Tea？最近可以去台北！就等我哋一齊睇下呢間店有幾特別啦！

於去年年尾開業嘅Rilakkuma Café拉拉熊咖啡廳位於台北市忠孝東路，由於係地舖，所以有地圖都好易搵到。

熊！全部都係鬆弛熊！

嘩！啲蛋糕好靚呀！全部都好靚呀！

叫人點捨得食呀？

連個櫃台設計都咁一絲不苟。

個洗手間先屈機，照個鏡都開心啲！

餐廳環境同擺設都非常一絲不苟，食物質素又點呢？會唔會只係金玉其外呢？好緊張呀！

首先睇下個餐碟先！好靚呀！個個碟都唔一樣架！有齊3個主角！

燈燈燈櫈！鬆弛熊咖喱吉列豬扒飯！好精美呀！售價NT360。

雞肉白汁飯，你睇佢幾得意！叫人點捨得食啫！售價NT340。

熱飲呢個鬆弛熊杯緣子曲奇真係可愛。

原本平平無奇嘅凍飲，加咗鬆弛熊頭型嘅朱古力粉，層次即刻又提高咗！

又睇下呢杯！舊冰都係鬆弛熊嚟架！

呢杯士多啤梨沙冰先開心呀！幾靚！

睇咗好耐都唔捨得食粒啫喱！

甜品！！齋睇唔食，個人都已經融化了。

仲有玩具擺設！

最後可以買埋紀念品先走人。

呢間店全間店裡裡外外都好正！環境好、食物好！價錢都尚算合理呀！不過就一個奇怪嘅最低消費規則，就是每人一定要點一杯飲品，即使你人均消費總額超高(例如你5個人食咗幾千蚊，總額高過5杯飲品)，但每個人都一定要點一杯飲品。即係你可以去到齋飲嘢，但唔可以去到齋食飯、齋食Cake！咁如果我帶埋BB去，BB係咪都要點杯嘢飲呢？係咪好奇怪？

Rilakkuma Café
電話: +886-2-2773-0303
地址:台北市忠孝東路四段248巷3號（忠孝敦化捷運站3號出口步行3分鐘）
營業時間: 上午11:30至晚上 22:00