【全部都係貓】請小心看守自己食物 多謝合作

我今次去嘅呢間貓咪Cafe係位於油麻地地鐵站附近嘅貓咪貓咪Home，一入到鋪頭就發現每個角落都有貓咪蹤影，無論你坐邊都總有一隻係左近，絕對唔洗驚貓貓會冷落自己！雖然貓咪數量眾多，但完全無任何異味，貓貓比人感覺乾淨，大部分都唔怕生。

店舖都好貼心，到處都張貼住字句，提醒客人唔可以對貓咪做某d行為，例如：唔可以逆毛掃佢地、開閃光燈影貓、餵非店鋪提供之食物等等。畢竟對我地嚟講呢到係一間Cafe，但對呢到嘅貓仔嚟講，呢到係佢地屋企，所以我地去人地屋企都應該尊重返屋主！

除左可以同貓貓玩之外，當然都有唔少玩具同Board game比小朋友玩，一定唔會悶親大人同小朋友！

到試飲試食環節啦，賣相都不錯，但係大家要留意，貓咪會突襲你地嘅野食。小編一個唔留神，野飲上面嘅Cream就比貓仔食左一半！

除左要留心睇緊自己野食之外，記住就算佢地點可愛都好，唔好主動餵野食比佢地啊！

藍貓咪 $58      黑貓咪$58       藍沙乳酪阿喵$58

經典拼盤(焗芝麻雞翼、蜜汁焗司華力腸、餃子、薯條) $88

日式炭燒雞扒蕃茄芝士闊條麵 $88

水蜜桃花茶 $68

貓咪貓咪HOME

地址：旺角彌敦道566-568A號僑建大廈2樓（港鐵油麻地站 A2 出口, 步行約2分鐘）

查詢電話：68326990