【淘寶買平嘢】兒童布書學綁鞋帶、學扣鈕！

就於早前在偶然的情況下，竟讓媽媽我在淘寶發現多本超益智布書，頓時覺得淘寶真係好偉大！

兒童布書的好處是耐用，唔易整爛之餘，亦唔使擔心天氣乾燥令紙張變得鋒利而割損小朋友的小指頭。

今次媽媽我就淘了三本不同內容的兒童布書，其中一本布書內有鞋帶、拉鏈、扭扣，可以讓小朋友訓練手眼協調能力之餘，更可同時學習基本生活技巧，真的非常益智。

由於此布書中含有小配件，建議三歲或以上的小朋友在家長陪同下才玩此遊戲。

皮帶扣可讓小朋友嘗試解開及穿好。

綁鞋帶及拉拉鏈練習非常益智。

另一本布書以立體氫氣球作封面設計，非常吸睛！

氣球部分可以向下揭開。

揭開後會有另一番景象，好得意。

揭開樹葉查下隱藏的公仔，可引發小朋友的好奇心。

不同質感的布料可以刺激小朋友皮膚觸感及腦部發展。

呢本以動物作主題的布書，讓小朋友認識唔同嘅動物。

每款動物都有自己獨特嘅尾巴，認樣加認字，非常好！

呢張貌似布碎的面包超人「布紙」看似平平無奇。

其實內有乾坤，布料內層設有發聲膠紙，拿上手都發出聲音。

小布條可讓小朋友拉扯，訓練小肌肉。

魔術貼設計可達至「撕紙」的效果。

由於小兒現在只有8個多月，所以暫不適合玩那個有小配件的布書，呢本玩「揭下揭下」嘅布書就冇問題。

動物尾巴書都冇問題，不過佢好似唔多喜愛。

喪拍喪掉！哎呀！阿仔呀！書唔係咁睇架！

小兒：「點呀？影完未？」